Yarımmüdafiəçi vurduğu qollarla komanda yoldaşlarından üstün oldu

"Liverpul"un yarımmüdafiəçisi Dominik Şobozlai oyun performansı ilə komanda yoldaşlarını kölgədə qoyub.

QOL.az xəbər verir ki, "OptaJoe" statistika portalının məlumatına görə, macar yarımmüdafiəçisi uzaq məsafədən vurduğu qollarla komandasının ən yaxşısı olub.

Statistikaya əsasən, 25 yaşlı futbolçu son üç mövsüm ərzində cərimə meydançası kənarından rəqib qapılarına 8 dəfə yol tapıb. Bu göstərici həmin dövr ərzində klubun digər futbolçularının nəticəsindən iki dəfə çoxdur.

Qeyd edək ki, Şobozlai cari mövsümdə bütün turnirlərdə 28 matça çıxıb, 6 qol və 5 məhsuldar ötürmə ilə yadda qalıb.