"Rusiya hazırda Ukraynanın sarsılmaz müdafiəsi səbəbindən çox sayda əsgərini itirir".
Bakıvaxtı.az xəbər verir ki, bunu NATO-nun baş katibi Mark Rutte bildirib.
O qeyd edib ki, Rusiya Ukraynaya hücum zamanı hər ay 25 minə qədər əsgər itirir.
"Rusiya hazırda Ukraynanın sarsılmaz müdafiəsi səbəbindən çox sayda əsgərini itirir. Bir ay ərzində bu, 20.000-25.000 rus əsgərinin itkisinə bərabərdir. Mən ağır yaralılardan deyil, ölənlərdən danışıram. Bunu 1980-ci illərdə Əfqanıstandakı müharibə ilə müqayisə etsəniz, 10 il ərzində təxminən 20.000 əsgərini itirdiklərini görəcəksiniz, ziddiyyət kəskindir. İndi onlar cəmi bir ay ərzində eyni sayda, hətta daha çox əsgər itirirlər", - Rutte Qlobal Avropa konfransında bildirib.
Aynur Babazadə
