"Atletiko Madrid"in yarımmüdafiəçisi Konor Qallaher "Tottenhem"ə transfer olunmaq üçün tibbi müayinədən keçib.
Fanat.Az xəbər verir ki, informasiyanı şəxsi "X" hesabı üzərindən jurnalist Ben Ceykobs yayıb.
Məlumata görə, sözügedən futbolçu London təmsilçisi ilə 5,5 illik müqavilə bağlayacaq. Daha öncə Qallaherin transferinin "Tottenhem"ə 40 milyon avroya başa gələcəyi bildirilmişdi.
Cari mövsüm La Liqada 19 matça çıxan 25 yaşlı futbolçu 2 qolla yadda qalıb. Konor madridlilərin forması ilə Çempionlar Liqasında da 6 qarşılaşmada mübarizə aparıb və 1 qola imza atıb.
Nihat
