ain.az, Fanat portalına istinadən məlumatı açıqlayır.
İngiltərə Liqa Kubokunun yarımfinal mərhələsinin ilk oyununda "Arsenal" səfərdə "Çelsi"ni 3:2 hesabı ilə məğlub edib.
Fanat.Az xəbər verir ki, bu matç "topçular"ın baş məşqçisi Mikel Artetanın rəhbərliyi altında komandanın "Çelsi" ilə bütün turnirlərdə ardıcıl səkkizinci məğlubiyyətsiz səfər oyunu kimi tarixə düşüb.
"Arsenal" rəqib meydanındakı derbilərdə 4 qələbə qazanıb və 4 heç-heçə edib. Onların son məğlubiyyəti 2019-cu ildə, Arteta komandanı ələ keçirməzdən əvvəl olub.
"Opta Joe"-nun məlumatına görə, Arteta, "topçular"ın keçmiş çalışdırıcısı Arsen Vengerin nailiyyətini təkrarlamağa bir addım qalıb. Arsen Venger "Stemford Bridc"də 9 oyun (1998-ci ilin sentyabrından 2005-ci ilin aprelinə qədər) məğlubiyyətsiz keçirib.
"Arsenal" və "Çelsi" arasında Liqa Kubokunun cavab oyunu 3 fevralda keçiriləcək.
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
