Məlumata görə, bu təşəbbüs bəzi Aİ üzv dövlətlərinin hökumətlərində ciddi narahatlıq doğurub. Onlar "sadələşdirilmiş genişlənmə" yanaşmasının bütövlükdə ittifaq üçün genişmiqyaslı və gözlənilməz nəticələrə səbəb ola biləcəyindən ehtiyat edirlər.
Müzakirə olunan təkliflərə əsasən, Ukrayna Aİ-yə üzv ola bilər, lakin ilkin mərhələdə qərarların qəbulunda məhdud səlahiyyətlərə malik olacaq. Xüsusilə, Kiyevə sammitlərdə və nazirlərin iclaslarında adi səsvermə hüququnun verilməməsi ehtimal olunur. Bununla yanaşı, Ukrayna müəyyən öhdəlikləri yerinə yetirdikdən sonra mərhələli şəkildə Aİ-nin vahid bazarına, kənd təsərrüfatı subsidiyalarına və inkişaf fondlarına çıxış əldə edə bilər. Bu isə 1993-cü ildən qüvvədə olan və ittifaqa qəbuldan əvvəl bütün meyarlara tam uyğunluğu tələb edən qaydalardan geri çəkilmə anlamına gəlir.
FT-nin sitat gətirdiyi avropalı diplomat bildirib: "Qaydalar 30 ildən çox əvvəl yazılıb və onlar daha çevik olmalıdır. Bu, nəsildə bir dəfə baş verən fürsətdir və biz ondan istifadə etməliyik."
Lakin bir sıra Aİ ölkələri genişlənmə qaydalarının dəyişdirilməsinə və iki səviyyəli üzvlük sisteminin yaradılmasına qarşı çıxır. Onlar bunun ittifaqın sabitliyinə zərbə vura biləcəyindən və digər namizəd ölkələr üçün mənfi presedent yaradacağından narahatdırlar. Nəşrin digər mənbəsinin sözlərinə görə, bu yanaşma "çoxsaylı gözlənilməz nəticələrə" yol aça bilər.
Təklifinizi, şikayətinizi bizə yazın. Sizi dinlərik. 055 634 88 31
