525.az saytından verilən məlumata görə, ain.az xəbər verir.
“Tədqiqatlar bir daha göstərir ki, tədris zamanı qısa fasilələr şagird və tələbələrin diqqətini və akademik nəticələrini əhəmiyyətli dərəcədə artırır. Tələbələrin uzun müddət diqqətini saxlaya bilməsi demək olar ki, mümkün deyil”.
Bu fikri 525.az-a təhsil eksperti Qoşqar Məhərrəmov söyləyib.
Onun dediyinə görə, dərsin cəmi 5-ci dəqiqəsindən sonra öyrənənlərin diqqəti zəifləməyə başlayır və dərsin sonuna qədər davamlı şəkildə azalır:
“Çətin məzmunu öyrənərkən fikrin dağılması qaçılmazdır və bunun tam həlli yoxdur. Mövcud elmi araşdırmalar diqqət müddətinin maksimum 8–10, bəzən də 25 dəqiqə olduğunu göstərir. Buna görə də müəllimlər diqqət dağınıqlığının öhdəsindən gəlməyə çalışmaq əvəzinə, insan beyninin bioloji və idrak sərhədlərini qəbul etməli və buna uyğun strategiyalar seçməlidirlər”.
Sevinc Qarayeva
Hadisənin gedişatını izləmək üçün ain.az saytında ən son yeniliklərə baxın.
