ain.az bildirir, Idman.biz portalına istinadən.
Avropa Futbol Assosiasiyaları İttifaqı (UEFA) 47 milyon avro gəlir itkisini ABŞ dollarının məzənnəsindəki dəyişikliklə əlaqələndirib.
İdman.Biz-in məlumatına görə, ABŞ dollarının zəifləməsi ona istinad edən UEFA-nı çətin vəziyyətə salıb.
ESPN UEFA-nın maliyyə hesabatına istinadən bildirib ki, son bir neçə ildə UEFA güclü ABŞ dollarından faydalanıb və bu da əhəmiyyətli xarici valyuta qazanclarına səbəb olub.
Lakin, 2025-ci ilin mart ayında bu vəziyyət dəyişib və ABŞ dolları qəflətən təxminən 9% zəifləyib. Nəticədə UEFA-da 47 milyon avro valyuta itkisi baş verib.
“Valyuta qazancları bir neçə ildir ki, ardıcıl olaraq müsbət olub. Lakin təəssüf ki, bu, 2025-ci ilin yazında ABŞ dollarının iqtisadi, bazar və geosiyasi dinamika da daxil olmaqla müxtəlif səbəblərdən qəfil zəifləməsi ilə dəyişib” - UEFA-nın maliyyə hesabatında deyilir.
Xatırladaq ki, 2025-ci ilin yazında ABŞ dünyanın demək olar ki, bütün ölkələrindən idxal olunan mallara tarif və rüsumlar tətbiq etməyə başlayıb.
İdman.Biz
Sonrakı hadisələr barədə daha çox məlumat almaq üçün ain.az saytını izləyin.
