TikToker əri tərəfindən öldürülən övladlarını YOLA SALDI- Ürək dağlayan GÖRÜNTÜLƏR
Ajans.az Türkiyə mediasına istinadən xəbər verir ki, dəfn mərasimində duyğulu anlar yaşandı. Kiçik tabutlar çiyinlərdə daşınarkən oxunan dualar hıçqırtılara qarışdı. Ana övladlarının tabutunu bir an belə buraxmadı, ayrılmaqda çətinlik çəkdi. Mərasimdə iştirak edənlər göz yaşlarını saxlaya bilmədi, yaşanan acı ürəkləri parçaladı. İki bacı-qardaşın yan-yana dəfn olunması mərasimdəki duyğusal anları daha da artırdı. Yaxınları Ada və Mertin arxada buraxdığı boşluğun sözlə ifadə olunmasının mümkün olmadığını bildirdi. Adana iki övladın ardından sükuta bürünərkən, geriyə yarımçıq qalan xəyallar, dinməyən bir yas və təsvirəgəlməz bir acı qaldı.
