Seneqal millisinin və "Əl-Nəsr"in hücumçusu Sadio Mane Afrika Millətlər Kubokunun finalında Mərakeşlə görüşdə (1:0) baş verən hadisələrlə ilə bağlı danışıb.
QOL.az xəbər verir ki, görüşdə Seneqal yığmasının qapısına penalti təyin edildikdən sonra baş məşqçi Pap Tiav komandanı meydandan çıxarıb. Lakin Mane oyunçuları yenidən meydana qaytarmağı bacarıb. Sonda Seneqal 1:0 hesablı qələbə ilə turnirin qalibi olub.
Mane isə futbolçuları meydana qaytarması haqda bunları deyib: "Hakimlər də səhv edə bilərlər. Buna görə onları mühakimə etmək ədalətsizlikdir. Ən əsası isə, mən bunu dünyada hər kəs üçün etdim. Çünki azarkeşlər oyunu sona qədər izləmək istəyirdilər".
