Çinin Daxili Monqolustan Muxtar Bölgəsində fəaliyyət göstərən bir polad lövhə zavodunda doymuş su və buxar çəninin partlaması nəticəsində güclü partlayış baş verib.
Hadisə zamanı 2 nəfər həyatını itirib, 84 nəfər yaralanıb.
Rəsmilər bildiriblər ki, yaralılardan 3 nəfərin vəziyyəti ağırdır. Daxili Monqolustan Baotou Polad Birliyi isə hadisə zamanı müəssisədə olan 8 işçinin itkin düşdüyünü açıqlayıb.
İtkin düşən işçilərin tapılması üçün axtarış-xilasetmə işləri davam edir.
