ABŞ prezidenti Donald Tramp bildirib ki, ölkə rəhbərliyi təhdidlərini həyata keçirməyə çalışarsa, İran yer üzündən silinəcək...
Poliqon xəbər verir ki, dövlət başçısı bu barədə News Nation-a verdiyi müsahibədə danışıb.
"Onlar bunu etməməlidirlər, amma mən bildiriş göndərmişəm ki, əgər nəsə baş verərsə, biz İranı parçalayacağıq. Bütün ölkə məhv ediləcək. Əgər nəsə baş verərsə, onlar yer üzündən silinəcək", deyə Amerika lideri bildirib.
Bu arada The Wall Street Journal-ın rəsmilərə istinadən yazdığına görə, Tramp İrana təsir etmək üçün qətiyyətli variantlarda israr etməyə davam edir: "Keçən həftə İrana zərbələri dayandırdıqdan sonra prezident Tramp hələ də köməkçilərinə "qətiyyətli" hərbi variantları həyata keçirmək üçün təzyiq göstərir".
Qeyd olunur ki, Amerika lideri Vaşinqtonun Tehrana təsirinə dair vizyonunu təsvir etmək üçün dəfələrlə "qətiyyətli" sözünü işlədib.
025-ci ilin dekabr ayının sonlarında İran milli valyutası olan İran rialının devalvasiyası ilə başlayan kütləvi etiraz dalğası ilə üzləşib. Buna cavab olaraq hökumət təhlükəsizlik tədbirlərini gücləndirib və polis nümayişçilərə qarşı göz yaşartıcı qaz və öldürücü olmayan silahlardan istifadə edib. İran hakimiyyəti iğtişaşlara görə xarici qüvvələri günahlandırıb. İran Xarici İşlər Nazirliyi ABŞ və İsrailin etirazların təşkilində iştirak etdiyini iddia etdi. Tramp iranlıları etirazları davam etdirməyə çağırdı və "kömək yolda olduğunu" bildirib.
Poliqon.info
