Baş dərisinin uzun müddət gigiyenasına riayət edilməməsi baş ağrılarına səbəb ola bilər.
Ölkə.az oxu.az-a istinadən xəbər verir ki, bu barədə həkim-terapevt Yekaterina Sısoyeva "RİA Novosti"yə açıqlamasında məlumat verib.
Mütəxəssisin sözlərinə görə, baş dərisinin nadir hallarda yuyulması piy, mikrob tullantıları və çirkin yığılmasına gətirib çıxarır. Bu amillər sinir uclarını qıcıqlandırır və qan dövranını pozur ki, nəticədə baş ağrıları yarana bilər.
Həkim qeyd edib ki, saçların müntəzəm və düzgün yuyulması baş dərisinin sağlam qalmasına kömək edir, iltihabi və göbələk mənşəli infeksiyaların riskini azaldır, həmçinin ümumi rifahı və diqqət qabiliyyətini artırır.
Lakin bu, baş ağrılarının yeganə gizli səbəbi deyil. Novqorod Universitetinin alimləri müəyyən ediblər ki, dişlərin düzgün olmayan quruluşu və diş qıcaması (bruksizm) da ağır və xroniki baş ağrılarına səbəb ola bilər.
