"Kəpəz" Azərbaycan çempionatlarının yüksək dəstəsində 100-cü səfər qələbəsini qazanıb.
Fanat.Az Peşəkar Futbol Liqasının rəsmi saytına istinadən xəbər verir ki, bu, Misli Premyer Liqasının XVII turuna təsadüf edib.
Gəncə təmsilçisi "Qarabağ"la qarşılaşmada 2:0 hesabı ilə qalib gəlib. "Kəpəz" 100-cü səfər qələbəsini rəqib meydanlarındakı 346-cı qarşılaşmada əldə edib.
"Sarı-göylər" bu göstəricidə 4-cü nəticəyə malikdir. Yalnız "Qarabağ" (239), "Neftçi" (232) və "Şamaxı" (123) səfərdə daha çox qələbə qazanıb.
Qeyd edək ki, "Kəpəz" rəqib meydanındakı ilk qələbəsini 1992-ci il iyunun 13-də "Plastik"lə matçda əldə edib – 3:0.
