İtaliya A Seriyasının 22-ci turunda Roma və Milan komandaları arasında keçirilən gərgin oyunda qalib müəyyənləşməyib və matç 1:1 hesabı ilə bitib.
SİA-nın xarici KİV-ə istinadən verdiyi məlumata görə, oyunun əvvəlində daha aktiv olan tərəf "Canavarlar" (Roma) olub. 10-cu dəqiqəyə qədər Malen iki dəfə Menyanın qapısını sınağa çəkib. Hissənin ortalarında isə forvard Ndikdən aldığı ötürmədən sonra qapını tuta bilməyib. 32-ci dəqiqədə isə Malen kəskin bucaqdan zərbə endirib, amma top qapıçının əlində qalıb. Fasilədən əvvəl Menyan Çelikdən gələn zərbəni də dəf edib.
İkinci hissənin əvvəllərində Milan oyuna qoşulub. Əvvəlcə Rabiо Sviların qapısına aşağı zərbə endirib. 62-ci dəqiqədə isə Milan hesabı açıb. Künc zərbəsindən sonra Modriç uzaq dirəyə ötürmə edib, oradan De Vinter topu qapıya göndərib. Roma isə Bartezagi tərəfindən əllə oynanma səbəbindən penalti qazanıb və Pelleqrini 74-cü dəqiqədə icra edərək hesabı bərabərləşdirib.
Əlavə vaxtda Fulkrug qonaqlar üçün qələbə qolunu vura bilərdi, lakin top başla qapının üstünə düşüb. Bu heç-heçə nəticəsi Milanın "İnter" ilə xal fərqini 5-ə çıxarmağa imkan verib. Hazırda Milan 47 xalla ikinci pillədə, Roma isə 43 xalla üçüncü yerdədir.
Matç statistikasına baxış:
-
Roma - Milan: 1:1
-
Qollar: Pelleqrini, 74 (penalti) – De Vinter, 62
-
Gözlənilən qollar (xG): 2.75 - 0.44
-
Topa sahiblik: 58% - 42%
-
Zərbələr: 15 - 5
-
Qapıya zərbələr: 7 - 2
-
Künc zərbələri: 5 - 3
-
Foul: 15 - 11
Xatırladaq ki, əvvəlki turda Roma Dovbikin iştirak etmədiyi oyunda Ştutqartı məğlubiyyətə uğratmışdı.
