Braziliyada keçmiş prezident Jair Bolsonaruya dəstək məqsədilə keçirilən mitinq zamanı 70 nəfəri ildırım vurub.
“İki sahil” xəbər verir ki, bu barədə G1 portalı məlumat yayıb. İldırım vurması nəticəsində 29 nəfər əsasən qol və qarın nahiyəsindən yanıq xəsarətləri ilə xəstəxanalara çatıdılıb. Ən azı səkkiz nəfərin vəziyyəti ağırdır.
Qeyd edək ki, sentyabr ayında məhkəmə Bolsonaruya dövlət çevrilişinə görə 27 il üç ay həbs cəzası verib. Həkimlər daha sonra onun xərçəng xəstəliyinə tutulduğunu aşkar ediblər.
Yanvarın 2-də keçmiş prezident xəstəxanadan çıxarılaraq həbsxanaya aparılıb.
