Bərə BATDI: 15 nəfər ÖLÜB
Ajans.az AFP agentliyinə istinadən xəbər verir ki, hadisə bazar ertəsi səhər baş verib. Daha 28 sərnişinin taleyi hələ məlum deyil və onların axtarış-xilasetmə əməliyyatları davam etdirilir. Təcili yardım xidmətləri indiyədək ən azı 138 sərnişini xilas edə bilib. Yaralıların böyük hissəsi tibbi yardıma ehtiyac duyur və ən azı 18 nəfər xəstəxanaya yerləşdirilib. Hakimiyyət orqanları xilasetmə işlərinin genişmiqyaslı olmasını və xəstələrin çoxluğunu nəzərə alaraq tibb işçilərinə ciddi yük düşdüyünü bildirib. İlkin məlumatlara görə, bərə Mindanao əyalətindəki Zamboanga şəhəri ilə Sulu əyalətindəki Jolo adası arasında hərəkət edirdi. Xilasetmə əməliyyatları gəminin yol boyu yerləşən Basilan adasına yönəldilib.  
