Yenilik yalnız iş saatları və işə qoşulma zamanı aktiv olacaq…
Poliqon xəbər verir ki, Microsoft rəsmi olaraq Microsoft Teams platformasına işçilərin yerini izləmə funksiyasının əlavə ediləcəyini təsdiqləyib. Bu yenilik Microsoft 365 müştəriləri üçün nəzərdə tutulub və işəgötürənlərə işçilərin iş zamanı hansı şəbəkə və ya fiziki məkandan platformaya qoşulduğunu izləməyə imkan verəcək. Forbes-in məlumatına görə, tətbiq işçinin korporativ Wi-Fi şəbəkəsinə qoşulduğu anda onun yerini göndərəcək; əgər işçi üçüncü tərəf şəbəkəsindən istifadə edirsə, işəgötürən həmin qoşulma ünvanını görəcək.
Yeniliyin tətbiqi planı artıq iki dəfə təxirə salınıb. Bu, istifadəçilərin şəxsi həyatına müdaxilə ilə bağlı narahatlıqlar və ictimai diskussiyalar fonunda baş verib. İlk olaraq buraxılış yanvar ayından fevral ayına, sonra isə mart 2026-cı ilə keçirilib. UC Today-ə verdiyi açıqlamada Microsoft konkret təxir səbəblərini açıqlamayıb.
Şirkət qeyd edir ki, funksiya defolt olaraq deaktiv olacaq və yalnız işəgötürənin tələb etdiyi halda aktivləşəcək. İzləmə yalnız iş saatları ərzində işləyəcək və iş günü başa çatdıqdan sonra bütün yer məlumatları avtomatik silinəcək. Bu, işçilərin şəxsi həyatına hörmət və məxfilik təminatı məqsədi daşıyır.
Ekspertlər bildirirlər ki, belə bir funksiya, xüsusilə hibrid iş mühitində, işçilərin təhlükəsizliyi və resursların effektiv istifadəsi baxımından faydalı olsa da, şəxsi həyatın qorunması və etik normaların pozulmaması üçün diqqətli yanaşma tələb edir.
Poliqon.info
