ain.az, Bizimyol saytına istinadən bildirir.
Amerika Birləşmiş Ştatlarının dövlət katibi Marko Rubio, 28 yanvar tarixində ABŞ Konqresinin Xarici Əlaqələr Komitəsindəki dinləmələrdə, Vaşinqtonun Venesuela hökumətindən maksimum əməkdaşlıq əldə etmək məqsədilə güc tətbiq etməyə hazır olduğunu bəyan edəcək.
Bu barədə 27 yanvar tarixində "Bloomberg" agentliyi məlumat verib.
"Əgər digər metodlar nəticə verməzsə, maksimum əməkdaşlıq təmin etmək üçün güc tətbiq etməyə hazırıq. Ümid edirik ki, buna ehtiyac olmayacaq, amma amerikalı vətəndaşlarımıza qarşı məsuliyyətlərimizi yerinə yetirməkdən və bu yarımkürədəki missiyamızı həyata keçirməkdən heç vaxt qaçmayacağıq", – deyə Rubionun çıxışında qeyd edib.
Agentliyin verdiyi məlumata görə, Rubio senatarlara həmçinin Venesuela prezidenti Delci Rodrigesin Amerikanın şirkətlərinə ölkənin enerji sektoruna giriş imkanı verərək, onlara neft hasilatında üstünlük təmin etməyi və neft satışından əldə olunan gəliri ABŞ məhsulları almağa yönəltməyi razılaşdığını bildirəcək.
Agentlik, 28 yanvar tarixindəki dinləmələrin, Rubionun 3 yanvar tarixində ABŞ-ın Karakasdakı hərbi əməliyyatından sonra Konqresdəki ilk ictimai çıxışı olacağını vurğulayır.
Bizimyol.info
Daha ətraflı məlumat və yeniliklər üçün ain.az saytını izləyin.
