UPS bu il işçi qüvvəsini 30.000 nəfər azaltmağı planlaşdırır
ABŞ-da yerləşən gəmiçilik şirkəti United Parcel Service (UPS) bu il işçi qüvvəsini 30.000 nəfər ixtisar etmək planlarını açıqladı.
UPS-in Baş Maliyyə Direktoru (CFO) Brayan Dayks şirkətin dördüncü rüblük mənfəət hesabatını dərc etməsindən sonra keçirilən investor konfransında çıxış edib.
O bildirib ki, onlar Amazon çatdırılmalarında həcmin azaldılması prosesi ilə əlaqədar olaraq ümumi əməliyyat saatlarını təxminən 25 milyon saat azaltmağı planlaşdırırlar və 30.000 iş yerini ləğv edəcəklər.
Bu ilki işçi qüvvəsinin ixtisarları işçilərin işdən çıxarılması və tam ştatlı sürücülər üçün könüllü işdənçıxarma təklifi vasitəsilə həyata keçiriləcək.
Şirkətin mənfəət hesabatında həmçinin qeyd olunub ki, 2026-cı ilin birinci yarısında bağlanması nəzərdə tutulan 24 bina müəyyən edilib və ilin ikinci yarısında əlavə binaların bağlanması nəzərdən keçirilir.
UPS əvvəllər 2025-ci ilin üçüncü rübü üzrə mənfəət hesabatında ötən il ümumilikdə 48.000 nəfəri işdən çıxardığını, onlardan təxminən 34.000 nəfərinin əməliyyat işçi qüvvəsində olduğunu açıqlamışdı.
aia.az
Tərcümə şöbəsi
