Ajans.azxəbər verir ki, araşdırmanınnəticələrinüfuzluAdvancedFunctionalMaterialselmijurnalındadərcolunub. Bildirilib ki, yeni nanomaterial şiş hüceyrələrinin daxilində iki kimyəvi reaksiyanı eyni vaxtda işə salaraq oksidləşdirici stress yaradır və nəticədə xərçəng hüceyrələrinin məhvinə səbəb olur. Bu yanaşma bədxassəli şişlərin özünəməxsus biokimyəvi mühitindən istifadə edən perspektivli müalicə metodu — kemodinamik terapiyanın (CDT) imkanlarını əhəmiyyətli dərəcədə genişləndirir. Alimlərin sözlərinə görə, sağlam toxumalarla müqayisədə xərçəng hüceyrələri daha yüksək turşuluq səviyyəsi və hidrogen peroksidin artmış konsentrasiyası ilə xarakterizə olunur. Klassik CDT məhz bu xüsusiyyətlərdən istifadə edərək hüceyrələrdə hidroksil radikallarının — yüksək reaktiv oksigen növlərinin — yaranmasını stimullaşdırır. Bu maddələr lipidlərin, zülalların və DNT-nin strukturunu zədələyərək hüceyrə ölümünə gətirib çıxarır. İnsan döş xərçəngi hüceyrələri implantasiya edilmiş siçanlar üzərində aparılan təcrübələr zamanı nanoagent sistemli şəkildə tətbiq edildikdə şiş toxumasında effektiv şəkildə toplanıb, aktiv reaktiv oksigen növləri yaradıb və heç bir nəzərəçarpacaq yan təsir olmadan şişlərin tam məhvinə nail olub. Tədqiqatçılar şişin tam reqressiyasını və uzunmüddətli dövrdə residivin qarşısının sistemli toksiklik olmadan alındığını qeyd ediblər. Alimlər insanlarda klinik sınaqlara başlamazdan əvvəl nanomaterialın terapevtik effektivliyini müxtəlif xərçəng növləri, o cümlədən aqressiv mədəaltı vəzi xərçəngi üzərində də qiymətləndirməyi planlaşdırırlar.

 

• Xərçəng
• Şiş Hüceyrələri
• Müalicə Metodu
• Nanomaterial
• Kemodinamik Terapiya