Tehran Vaşinqtonla dialoqa hazırdır, lakin lazım gələrsə, İslam Respublikası özünü müdafiə edəcək və güclü şəkildə cavab verəcək.
Bakıvaxtı.az xəbər verir ki, bu barədə İranın BMT-dəki Daimi Nümayəndəliyi ABŞ prezidenti Donald Trampın İrana yaxınlaşan "nəhəng ABŞ ordusu" və hərbi əməliyyat təhdidləri ilə bağlı açıqlamasına cavab olaraq bildirib.
Missiyanın BMT-yə verdiyi açıqlamada deyilir:
"ABŞ sonuncu dəfə Əfqanıstan və İraqda müharibələrə məsuliyyətsiz şəkildə qoşularaq 7 trilyon dollardan çox pul xərcləyib və 7000-dən çox amerikalının həyatına son qoyub. İran qarşılıqlı etimad və maraqlara əsaslanan dialoqa hazırdır, lakin məcbur edilərsə, özünü müdafiə edəcək və misli görünməmiş şəkildə cavab verəcək."
