Göbələk sote hazırlayarkən ən çox rast gəlinən problem göbələklərin sulanması və qaralmasıdır. Kulinariya mütəxəssislərinin fikrincə, bu problemin əsas səbəbi duzun vurulma vaxtının düzgün seçilməməsidir.
Milli.Az əsas kulinariya sirlərini bölüşür:
Duzu ən sonda vurun!
Göbələk bişirərkən edilən ən böyük səhv duzu hələ tərəvəzlər tavada ikən əlavə etməkdir.
Duz göbələyin tərkibindəki suyu dərhal çölə çıxarır. Bu da göbələklərin qızarmaq əvəzinə öz suyunda qaynamasına, həcminin kiçilməsinə və rezin kimi sərtləşməsinə səbəb olur.
Duzu göbələklər tamamilə qızardıqdan və ocağı söndürməzdən bir neçə dəqiqə əvvəl əlavə etməlisiniz.
Göbələklərin sulanmaması üçün digər vacib qayda tavanın çox isti olmasıdır.
Göbələkləri tavaya az-az əlavə edin. Əgər tavanı birdən-birə doldursanız, tavanın temperaturu aşağı düşəcək və göbələklər yenə sulanacaq.
Onları yüksək atəşdə sürətlə qızartmaq (sote etmək) lazımdır ki, şirəsi daxilində qalsın.
Məqalədə göbələyin təmizlənməsi barədə də mühüm qeyd var:
Göbələklər süngər kimidir, suyu dərhal özünə çəkir. Buna görə də onları yumaq əvəzinə nəm bir bezlə silmək və ya qabığını soymaq tövsiyə olunur. Əgər mütləq yumalısınızsa, bunu bişirməzdən dərhal əvvəl etməli və tez qurutmalısınız.
Lalə Qüdrətova
Milli.Az
