Yüngül çəkidə UFC reytinqinin doqquzuncu nömrəsi olan azərbaycanlı Rafael Fiziyev çempion İliya Topuriya ilə müvəqqəti titul sahibi Castin Qetji arasındakı döyüş haqqında danışıb.
İdman.Biz-in məlumatına görə, azərbaycanlı UFC döyüşçüsü hesab edir ki, İliya Castini asanlıqla sıradan çıxarda bilər.
"Castinə görə sevindim, amma düzünü desəm, bu döyüş üçün formada olmamasına təəccüblənirəm, çünki ilk raundda həqiqətən yavaş idi. O, həqiqətən yavaşdır. Xəstə kimi görünürdü. Formasından çıxmışdı. Düşünürəm ki, əgər o, Londonda onunla döyüşdüyüm zamankı formada olsaydı, ilk iki raundda Peddini (Pimblett-red/) məğlub edərdi. Düşünmürəm ki, o, döyüşə həqiqətən 100% hazır idi. Boynunu gördüm. Yəqin ki, stafilokok infeksiyasına oxşayırdı. Amma Peddi məni təəccübləndirdi. Onun başı həqiqətən möhkəmdir.
Topuriya və Qetji - düzünü desəm, bu döyüşü istəmirəm, çünki qardaş, onun (Qetjinin) demək olar ki, 38 yaşı var. Onun bu döyüşdəki formasına baxsanız, sonu yaxşı bitməyəcək. İliya ilə güləşsiz, bokssuz ayaq üstə döyüşmək onun üçün təhlükəlidir. Çox təhlükəlidir. İliya onu asanlıqla sıradan çıxarda bilər. Bilirəm ki, bu, MMA-dır. Hər şey istənilən an dəyişə bilər, amma mən yenə də bunu görmək istəmirəm” – “MMAJunkie” nəşri Fiziyevdən sitat gətirib.
