“Uşaqlara sosial şəbəkə qadağası bəzi ölkələrədə tətbiq olunur artıq. “Uşağım çox əsəbidir...” Az qala hər valideyndən eşidirik. Hər uşağın öz səbəbi var. Amma ümumi səbəb də var. Sosial şəbəkədəki oyunlar”.
Bunu News365.az-a müsahibəsində pediatr Vaqif Qarayev deyib.
O bildirib ki, siz uşaq oyunu izləyərkən fikir verin:
“Ekranda nə görür onu təkrar edir. Jestlər, mimikalar, hərəkətlər, səs-küy, qışqırıq... Hamısını təkrarlayır, hamısı da aqressiv hərəkətlərdir. Ya da uşaq oyuna baxarkən sizi eşitmir, nə etsəniz belə reaksiya vermir, çünki bütün diqqəti ordadır. Sonra da hansısa həkim bu praktik sağlam uşağa autistik spektr diaqnozu qoyub sizi çöllərə(həkimlərə) salır. Çıxılmazlıqdırmı? Xeyr! Uşağın əyləncəsi üçün alternativlər kifayət qədərdir. Valideyndə istək olsa, tapacaq”.
News365.az
