ain.az, Apa.az portalından verilən məlumatlara əsaslanaraq xəbər verir.
2025-ci ildə Gürcüstandan 39 nəfər Azərbaycan vətəndaşı deportasiya edilib.
APA-nın yerli bürosu xəbər verir ki, bu barədə Gürcüstanın Daxili İşlər Nazirliyinin hesabatında bildirilib.
Ötən ilin I rübündə qonşu ölkədən 4, II rübündə 16, III rübündə 7, IV rübündə isə 12 nəfər Azərbaycan vətəndaşı çıxarılıb. 2024-cü il ilə müqayisədə deportasiya ilə üzləşmiş vətəndaşlarımızın sayı 32 nəfər və ya 45% azalıb.
Hesabat ilində Gürcüstandan ümumilikdə 1 311 əcnəbi deportasiya olunub ki, bu da illik müqayisədə 3,6 dəfə çoxdur. Qonşu ölkədən ən çox xarici vətəndaş 460 nəfər olmaqla oktyabr-dekabr aylarında qovulub.
Qeyd edək ki, Gürcüstanda ötən ilin oktyabrın 1-dən qüvvəyə minmiş sərt miqrasiya qanunvericiliyinə əsasən əcnəbilərin deportasiyası sadələşdirilmiş prosedur üzrə həyata keçirilir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
