Bizimyol portalından alınan məlumata görə, ain.az xəbər verir.
ABŞ-ın keçmiş prezidenti Co Bayden (2021-2025) prezidentlik postunu tərk edərkən iki diplomatik hədiyyə olan bir təyyarə parçası və manşet düymələrini götürüb.
Bizimyol.info xəbər verir ki, bu barədə "Bloomberg" agentliyi cümə axşamı məlumat yayıb.
Agentliyin verdiyi məlumata görə, Baydenə Papua Yeni Qvineya baş naziri Ceyms Marape tərəfindən "A-20 Havoc" tipli yüngül bombardmançı təyyarəsinin parçası hədiyyə edilib. Eyni tipli təyyarədə 1944-cü ildə Baydenin dayısı həyatını itirib, təyyarə həmin vaxt Sakit okean sahilinə yaxın bir yerdə qəzaya uğrayıb. Bununla yanaşı, Bayden İtaliya baş naziri Corciya Melonidən 722 dollar dəyərində manşet düymələri də alıb.
ABŞ qanunvericiliyi ümumiyyətlə xarici hökumətlərdən 480 dollardan baha olan hədiyyələri qəbul etməyi federal məmurlara qadağan edir. Lakin əgər hədiyyəni qəbul etməmək diplomatik münasibətlərə zərər verə bilərsə, istisnalar edilir. Hətta bu halda belə, bütün hədiyyələr ABŞ hökumətinin mülkiyyətinə keçir. Prezidentə verilən əksər hədiyyələr ya Milli Arxivə, ya da Ümumi Xidmətlər İdarəsinə təhvil verilir. Sürətlə xarab olan hədiyyələr - məsələn, qida, içki, tütün və ya parfüm - qaydalara uyğun olaraq məhv edilir.
Amerika məmurları şəxsi istifadə üçün hədiyyəni saxlamaq istəsələr, həmin hədiyyə üçün pul ödəməlidirlər.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
