ain.az, Marja.az portalına istinadən məlumatı açıqlayır.
Türkiyə Statistika Qurumunun (TÜİK) məlumatlarına görə, ölkənin turizm gəliri 2025-ci ildə 2024-cü ilə nisbətən 6,8% artaraq 65 milyard 230 milyon 749 min dollar təşkil edib.
Marja.az xəbər verir ki, turistlərdən əldə edilən turizm gəliri 64 milyard 448 milyon 303 min dollar, transfer sərnişinlərdən əldə edilən turizm gəliri isə 782 milyon 446 min dollar təşkil edib.
Turistlərdən əldə edilən turizm gəlirinin 18%-ni ölkəyə səfər edən xaricdə yaşayan Türkiyə vətəndaşları formalaşdırıb.
Turitlərdən əldə edilən gəlirinin 46 milyard 252 milyon 178 min dollarını fərdi xərclər, 18 milyard 196 milyon 125 min dollarını isə paket tur xərcləri təşkil edib.
Turizm gəliri oktyabr, noyabr və dekabr aylarını əhatə edən IV rübdə əvvəlki ilin eyni rübü ilə müqayisədə 9,9% artaraq 15 milyard 151 milyon 842 min dollar olub.
2025-ci ildə turist sayı 2,7% artıb
Türkiyəyə səfər edən turistlərin sayı 2025-ci ildə əvvəlki ilə nisbətən 2,7% artaraq 63 milyon 917 min 57 nəfər olub. Bunların 17,5%-ni və ya 11 milyon 175 min 394 nəfərini xaricdə yaşayan Türkiyə vətəndaşları təşkil edib.
Turistlərin gecəlik xərci orta hesabla 100 dollar təşkil edib.
Turistlərin Türkiyəyə gəlmə məqsədləri arasında birinci yerdə 67,7% ilə “gəzinti, əyləncə, idman və mədəni fəaliyyətlər” olub. Xaricdə yaşayan Türkiyə vətəndaşların isə 63,4%-i “qohum və dost ziyarəti” məqsədilə ölkəyə səfər edib.
Daha ətraflı məlumat və yeniliklər üçün ain.az saytını izləyin.
