...Volvo XC90 krossoveri daha böyük bir qardaş qazana bilər. Böyük ailə modeli elektrikləşdirilmiş güc aqreqatları alacaq. Volvo-nun baş direktoru Hakan Samuelsson böyük bir krossover buraxmaq istəyir.
SİA xəbər verir ki, o, bunu Volvo EX60 elektrik avtomobilinin təqdimatı zamanı Britaniyanın Autocar nəşrinə bildirib.Hakan Samuelssonun sözlərinə görə, yeni Volvo krossoveri hələ dəqiqləşdirilməyib, lakin onun müəyyən bir konturu artıq mövcuddur.
Model BMW X7, Mercedes-Benz GLS və gələcək Audi Q9-a meydan oxuyacaq.
Əsasən böyük ailə krossoverlərinə böyük tələbatın olduğu Şimali Amerika və Çin bazarlarına yönəldiləcək.
Krossoverin Volvo XC90-dan SPA2 platformasından istifadə etməsi gözlənilir, lakin xeyli böyük olacaq.
Onun uzunluğu mütləq 5 metrdən çox olacaq və hətta 5,5 metrə çata bilər. Kabinədə üç sıra oturacaq olacaq.
Satışa çıxarılacağı təqdirdə, yeni Volvo elektrikləşdiriləcək. O, bu yaxınlarda Volvo XC90 və onun kiçik qardaşları olan XC60 və XC40 üçün elan edilmiş yeni nəsil qoşulmuş hibrid sistemləri ala bilər.
Onlar tam elektrik rejimində ən azı 160 km məsafə qət etməyə imkan verən böyük bir batareyaya malik olacaqlar.
Nazlı Almuradova
