Xəbər verdiyimiz kimi, Ağdamda kişi həyat yoldaşına balta ilə xəsarət yetirib.
Hadisə Ağdamın Mahrızlı kəndində qeydə alınıb.
Xəsarət alanın qayınanası Hafizə Salahova hadisə ilə bağlı Baku TV-yə danışıb.
“Gəlinimin günahı yoxdur. Oğlum qazandıqlarımızı burnumuzdan gətirdi. Bir ömür həbsxanada sürünsün, balaları yazıqdır”, – o söyləyib.
Zərərçəkən Gülzəndə Salahova yanvarın 31-də Ağdam Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Xəstəxanadan verilən məlumata görə, ona qapalı kəllə-beyin travması, başın və bədənin müxtəlif nahiyələrinin çapılmış və kəsilmiş yaraları diaqnozu qoyulub. Zəruri tibbi yardım göstərilən pasiyentin vəziyyəti orta-ağır qiymətləndirilir və müalicəsi Cərrahiyyə şöbəsində davam etdirilir.
Polis əməkdaşlarının keçirdikləri əməliyyat-axtarış tədbirləri nəticəsində cinayət əməlini törətməkdə şübhəli bilinən Ceyhun Salahov saxlanılıb.
Ceyhun Salahovun daha əvvəl məhkumluq həyatı yaşadığı və 12 yanvar tarixində azadlığa buraxıldığı bildirilir.
Daha ətraflı Baku TV-nin videomaterialında:
