Baku.ws portalından verilən məlumata əsasən, ain.az bildirir.
"Kəpəz" futbol klubunun media və marketinq direktoru Gəray Qiyasov klubunun oyunçusu Veysəl Rzayevin bıçaqlanma hadisəsi ilə bağlı açıqlama verib.
O bildirib ki, hadisə klubdan kənarda baş versə də, rəhbərlik futbolçunun yanındadır:
"Məşqçilər və rəhbərlik Veysəli xəstəxanada ziyarət etdilər. Məsələnin araşdırılmasında klub həm maraqlıdır, həm də əlindən gələn dəstəyi göstərir".
Qeyd edək ki, hadisə fevralın 3-də səhər saatlarında Gəncə şəhərində qeydə alınıb. İnsident nəticəsində Veysəl Rzayev döş qəfəsinin arxa divarının açıq yarası diaqnozu ilə xəstəxanaya yerləşdirilib. Hazırda futbolçunun müalicəsi reanimasiya şöbəsində davam etdirilir.
Faktla bağlı hüquq-mühafizə orqanları tərəfindən araşdırma aparılır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
