Bu gün qadın voleybolçular arasında Azərbaycan Yüksək Liqasında 12-ci tura start veriləcək.
İdman.Biz xəbər verir ki, turun ilk oyun günündə üç qarşılaşma baş tutacaq.
“Turan” doğma meydanda “Gəncə”ni qəbul edəcək. Görüş saat 17:00-da Tovuz Olimpiya İdman Kompleksində başlayacaq.
Günün digər oyunlarında “Azərreyl” saat 16:00-da UNEC-lə, “Abşeron” isə saat 18:00-da “Milli Aviasiya Akademiyası” ilə üz-üzə gələcək. Hər iki qarşılaşma Azərbaycan Voleybol Federasiyasının idman zalında keçiriləcək.
