Mövsümün ikinci yarısına hazırlığı davam etdirən II Liqa təmsilçisi "Şirvan"ın ilk iki yoxlama görüşü üçün rəqibləri müəyyənləşib.
Bu barədə Fanat.Az-a bölgə təmsilçisinin baş məşqçisi Pərviz Bayramov məlumat verib.
Fevralın 9-da "Xankəndi" ilə planlaşdırılan görüşün vaxtı dəyişdirilib. Çempionatın şərikli lideri ilə oyunun vaxtı 16 fevrala ertələnib. Əvəzində "Şirvan" bazar günü - ayın 8-da Region Liqasının debütantı "Marafon" ilə gücünü sınayacaq. Qarşılaşma "Baku Arena"nın (keçmiş "Şəfa" stadionunun) ehtiyat meydanında baş tutacaq.
Liqanın debütantı olan "Şirvan" qış fasiləsinə 6-cı yerdə yollanıb. Ötən mövsüm Region Liqasının qalibi olan komanda yeni ildə ilk çempionat oyununu fevralın 23-də "Araz Saatlı"ya qarşı keçirəcək.
Mirağa
