ABŞ və Rusiya arasında strateji nüvə silahlarını məhdudlaşdırmağı hədəfləyən "Yeni Strateji Silahların Azaldılması Müqaviləsi"nin (Yeni START) yeniləndiyi iddia edilib.ABŞ-da yerləşən Axios xəbər platforması Vaşinqton və Moskvanın sonuncu dəfə bir il müddətinə uzadılan və bu gün müddəti bitən Yeni START müqaviləsini uzatmaq qərarına gəldiyini bildirib.

Xəbər platformasına danışan üç mənbədən ikisi layihə planının razılaşdırıldığını, lakin hər iki liderin təsdiqinə ehtiyac olduğunu bildirib, üçüncü mənbə isə son 24 saat ərzində Əbu-Dabidə görüşlərin keçirildiyini, lakin hələlik heç bir razılaşma əldə edilmədiyini iddia edib.Rəsmilərdən biri bildirib ki, "Biz Rusiya ilə vicdanla hərəkət etmək və sistemin necə yenilənə biləcəyi barədə müzakirələrə başlamaq barədə razılığa gəldik".

Başqa bir xəbər mənbəyi bildirib ki, "layihə müqaviləsinin praktiki nəticələri o deməkdir ki, hər iki tərəf ən azı altı ay ərzində onun şərtlərinə əməl etməyə razı olacaq və bu müddət ərzində potensial yeni müqavilə üzrə danışıqlar aparılacaq".

Hesabatda daha sonra Yeni START müqaviləsi ilə bağlı müzakirələrin çərşənbə axşamı gecəsinə qədər davam etdiyi ətraflı şəkildə qeyd olunub.


aia.az
Tərcümə şöbəsi

• Rusiya
• Nüvə Sazişi
• Yeni Start
• Müddəti Bitmiş