ain.az bildirir, Moderator.az saytına əsaslanaraq.
Aktyor, rejissor Ramin Hacıyev Moderator.az-ın suallarını cavablandırıb.
-Ramin bəy, bəlkə də çox azsayda aktyorlardansınız ki, həm ekranda, həm də sosial platformada özünüzü gündəmdə saxlaya bilirsiniz. Bunu necə bacarırsınız?
-Biz gündəmi izləyirik və sosial şəbəkələrdə nə baş verirsə hamısından xəbərimiz var. Gündəmdə olan trendlərə qoşuluruq. Özümüz də trend yaradırıq, öz zarafatımızı da yazırıq. Çalışırıq ki, gündəmdən uzaq düşməyək.
-"Bacanaqlar" serialı sizi bu aləmə tanıtdı.. Məhəbbət rolunun bu qədər sevilməsinə səbəb nə idi?
-Əslində mən “Bacanaqlar”-ı tanıtdırmışam. Serialın rejissoru və yazarlarından biri mən olmuşam. Məhəbbət rolunu da özüm üçün yazmışdım. Mənim üçün əsas o idi ki, Məhəbbət rolunun əxlaqı, tərbiyəsi yerində olsun. Qurşaqdan aşağı zarafatlar etmirdik. Səmimiyyət var idi. Məhəbbətin sevilməyinin səbəblərindən biri də məhz bu idi.
-Bir rolla xatırlanmaq, yaddaşlarda qalmaq necə bir hissdir?
-Əlbəttə ki, gözəl bir hissdir. Aktyorun bir neçə rolları olmalıdır. Mən aktyor deyiləm, sadəcə olaraq o obrazda “tutuzdurdum”. Deyə bilərəm ki, mən Məhəbbətin çörəyini yeyirəm.
-Serialda aktrisa Nigar Qarayeva ilə olan səhnələriniz bu gün də çox sevilir. Ola bilər hansısa layihədə birlikdə görünəsiz?
-Nigar Qarayevanı bacısı İntizarın toyunda görmüşdüm. Fatma xanıma demişdim ki, Sevda rolunu oynaya bilər? O da demişdi ki, hə. Belə tanıdım. Mənə də çox xoşdur ki, belə bir aktrisanı kəşf etmişəm. Bu gün də ara-sıra reklamlarda oynayırıq. İllər sonra da bir layihədə görünə bilərik. Amma konkret olaraq elə bir fikrimiz yoxdur. Film ola bilər.-
-Şükran bəy doğum gününüzdə sizə avtomobil hədiyyə etdi. İllərdir bu sahədəsiz.. Özünüzə avtomobil alacaq qədər qazanmırdınız yoxsa? Hər kəsi bu sual maraqlandırır..
-Sağ olsun, ona minnətdaram! Mənim avtomobilim var idi, sadəcə demək olar ki, yararsız idi. Həm də maşınım məhdudiyyətdədir deyə o artıq mənimki sayılmırdı. Şükranın mənə maşın hədiyyə etməsi ikiqat xoş hadisə oldu. Həm maşın qazandım, həm də dostumun diqqətini.
Ən son xəbərləri və yenilikləri almaq üçün ain.az saytını izləyin.
