ABŞ Ədliyyə Nazirliyinin məktubuna görə, Konqres üzvləri 9 fevraldan etibarən Epşteyn istintaqının bir hissəsi olaraq açıqlanan 3 milyondan çox sənədin senzurasız versiyalarına çıxış əldə edəcəklər.
Turkustan.az xəbər verir ki, konqres üzvləri senzurasız sənədlərə baxmaq üçün nazirliyə 24 saat əvvəlcədən məlumat verməlidirlər, lakin onlar onları yalnız nazirlik daxilindəki kompüterlərdə görə biləcəklər.
Sənədləri nəzərdən keçirən Konqres üzvlərinə qeydlər aparmağa icazə verilsə də, elektron nüsxələr yaratmağa icazə verilməyəcək.
Ən kiçiyi 14 yaşında olan, 18 yaşından kiçik onlarla qıza cinsi istismar etməkdə və fahişəlik şəbəkəsi idarə etməkdə ittiham olunan Epşteyn 10 avqust 2019-cu ildə Nyu-York Manhetten Metropolitan Mərkəzi Həbsxanasındakı kamerasında ölü tapılıb.
Açıqlanan Epşteynin işi sənədlərində Şahzadə Endryu, ABŞ prezidenti Donald Tramp, ABŞ-ın keçmiş prezidenti Bill Klinton, İsrailin keçmiş baş naziri Ehud Barak, ABŞ-ın keçmiş vitse-prezidenti Al Qor, aktyor Kevin Speysi, müğənni Maykl Cekson, illüzionist Devid Kopperfild, vəkil Alan Derşovitz və Nyu Meksiko ştatının keçmiş qubernatoru Bill Riçardson kimi məşhur adlar yer alıb.
Aytən Yaşar/ Turkustan.az
