Slovakiya prezidenti Peter Pelleqrini 2022-ci il fevralın 24-dən sonra Ukraynaya MiQ-29 qırıcılarının verilməsini səhv hesab etdiyini bildirib.
APA xəbər verir ki, Prezident bu fikri özünün "Facebook" səhifəsində paylaşıb.
“Mən hələ də Slovakiyanın o vaxt alternativi olmayan MiQ-lərindən imtina etməsini səhv hesab edirəm. O dövrün koalisiyasının MiQ-29 qırıcılarının sadəcə metal yığını olması ilə bağlı iddialarını rədd edirəm. Əgər bu belə olsaydı, onların heç biri Slovakiyadan Ukraynaya uça bilməzdi. Baş nazir olduğum dövrdə MiQ-29 təyyarəsində şəxsən uçuş həyata keçirmək imkanım olub və təyyarə qarşıya qoyulan bütün tapşırıqları yerinə yetirə bilib”, - Pelleqrini vurğulayıb.
