Tbilisi, 8 fevral, AZƏRTAC
Gürcüstanın qərbində yenidən torpaq sürüşməsi baş verib.
AZƏRTAC xəbər verir ki, bu barədə Gürcüstan Yolları Departamenti məlumat yayıb.
Bildirilir ki, sürüşmə nəticəsində Zuqdidi-Cvari-Mestia-Lasdili magistral yolunun 52-ci kilometrliyində qaya kütləsi yol infrastrukturuna ciddi ziyan vurub. Avtomagistralda bütün nəqliyyat vasitələrinin hərəkəti müvəqqəti olaraq dayandırılıb.
Hazırda yolda hərəkətin bərpası istiqamətində işlər davam etdirilir. Lakin qeyri-sabit hava şəraiti, qar və yağış yağması işləri çətinləşdirir, torpaq sürüşməsi riskini daha da artırır.
Xətayi Əzizov
AZƏRTAC-ın xüsusi müxbiri
Tbilisi
