ain.az, Axar.az saytından verilən məlumata əsaslanaraq xəbər yayır.
Avropa Birliyi Ukraynada uzunmüddətli sülhün təmin edilməsi üçün Rusiyanın etməli olduğu güzəştlərin siyahısını müzakirə edir.
Axar.az xəbər verir ki, bunu Avropa Birliyinin ali nümayəndəsi Kaya Kallas bildirib.
O xatırladıb ki, 4 fevralda ruslar Drujkovkadakı bazara hücumda kasetli sursatlardan istifadə ediblər. Hücum nəticəsində yeddi nəfər həlak olub. Eyni zamanda, Ukrayna və Rusiya nümayəndələri ABŞ-ın vasitəçiliyi ilə Əbu-Dabidə danışıqların növbəti mərhələsini keçiriblər.
"Bu danışıqlar zamanı Rusiyanın bombardmanlarının artdığının şahidi olduq", - Kallas söyləyib.
Kallas qeyd edib ki, Avropa Birliyi Rusiyanın ciddi sülh danışıqlarında iştirak etmədiyinə əmindir. O əlavə edib ki, Avropa Tramp administrasiyasının bu danışıqlarda AB və Ukraynanın maraqlarını təmsil etdiyinə şübhə edir.
O vurğulayıb ki, məhz buna görə də Avropa Moskvanı güzəştə getməyə məcbur edə biləcək davamlı sülh planı üzərində işləyir:
"Bizim də şərtlərimiz var. Biz bu şərtləri onsuz da böyük təzyiq altında olan ukraynalılara deyil, ruslara qoymalıyıq”.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
