NATO Müdafiə Nazirləri Ankara sammitinə hazırlıq məqsədilə 12 fevralda Brüsseldə görüşəcəklər.
Herbiand.az xarici mənbələrə istinadən xəbər verir ki, NATO-nun baş katibi Mark Rutte dünən keçirilən mətbuat konfransında bildirib ki, görüşdə Alyansın gələcək müdafiə xərclərinin artırılması müzakirə olunacaq.
"Biz müdafiə sənayesi bazamızı genişləndiririk. Daha çox istehsal etməliyik. Bu, Alyans daxilində daha çox hava hücumundan müdafiə sistemi, daha çox sursat və daha güclü təchizat zəncirləri deməkdir".
Rutte görüşdə NATO-nun Ukraynaya dəstəyinin müzakirə olunacağını da bildirib: "Ukrayna təkbaşına mübarizə apara və ya sülhü təmin edə bilməz. Buna görə də müttəfiqlər Ukraynanı təkcə sözlə deyil, həm də əməllə dəstəkləyirlər. Ukraynaya bütün hərbi dəstəyin doxsan doqquz faizi NATO müttəfiqləri və tərəfdaşlarından gəlir və NATO bu dəstəyin koordinasiyasını və çatdırılmasını gücləndirməyə davam edir".
