ABŞ prezidenti Donald Trampın "sərhəd çarı" adlandırdığı sərhəd təhlükəsizliyi rəisi Tom Homan Minnesotada bir müddətdir davam edən və iki nəfərin ölümü ilə nəticələnən "immiqrant əleyhinə əməliyyatlar"ın başa çatdığını elan etdi.Homan, 2025-ci ilin dekabr ayından bəri Minneapolisdə cəmləşən və ölkə daxilində geniş qəzəbə səbəb olan immiqrasiya əməliyyatları ilə bağlı mətbuat konfransı keçirib.Homan bildirib ki, "Buradakı səylərimiz nəticəsində Minnesota artıq cinayətkarlar üçün əvvəlki qədər təhlükəsiz bir yer deyil" deyə, Trampa bölgədəki əməliyyatlara son qoyulmasını təklif etdiyini və ABŞ prezidentinin onun təklifini qəbul etdiyini əlavə edib.
Homan iki aydan çox davam edən əməliyyatların Minnesota ştatını Amerika xalqı üçün "daha təhlükəsiz bir yerə" çevirdiyini iddia edərək əlavə etdi: "Təkrar edirəm, bura artıq cinayətkarlar üçün sığınacaq deyil".
Homan 4 fevralda keçirilən mətbuat konfransında 700 federal agentin "Minneapolisdən dərhal ayrılacağını" elan edərək, geri çəkilmənin bu həftə başladığını və gələn həftə də davam edəcəyini əlavə etdi.

Minnesota qubernatoru Tim Walz 10 fevralda verdiyi mətbuat açıqlamasında dekabr ayında başlayan qanunsuz immiqrantlara qarşı basqının "həftələr və ya aylar deyil, günlər ərzində" başa çatacağına ümid etdiyini bildirdi.

ABŞ hökumət rəsmiləri bildirirlər ki, ABŞ İmmiqrasiya və Gömrük Mühafizəsi (ICE) bölmələrinin Minneapolis-Sent-Pol metropoliten ərazisinə yönəlmiş əməliyyatları 4000-dən çox insanın saxlanılması ilə nəticələnib.


aia.az
Tərcümə şöbəsi

• Repressiya
• Minnesota
• Qanunsuz Immiqrantlar