"Real Madrid" baş məşqçi Alvaro Arbeloanın rəhbərliyi altında La Liqada uğurlar qazanıb. Metbuat.az xəbər verir ki, Arbeloa vəzifəyə təyin olunduqdan bəri liqanın dörd oyununun hamısında qalib gəlib. Lakin La Liqadakı uğurlu oyunlara baxmayaraq, Kral Kubokunda "Albasete"yə və Çempionlar Liqasında "Benfika"ya məğlubiyyətlər müzakirələrə səbəb olub. İspaniya mətbuatının məlumatına görə, komandanın ulduz oyunçusu Kilian Mbappe əvvəlki baş məşqçi Xabi Alonsonun rəhbərliyi altında özünü daha xoşbəxt hiss edib. "Cadena Cope" xəbər verir ki, Mbappenin Alonso ilə daha ahəngdar iş münasibətləri olub. Qeyd edək ki, Xabi Alonsonun gedişindən sonra Kilian Mbappenin "Alonso “Real Madrid”də uğursuz olmadı" açıqlaması ilə diqqət çəkmişdi. Arda Gülerin də Arbeloanın seçimlərindən narazı olduğu barədə xəbərlər dərc edilib. Ardanın tez-tez əvəzlənməsi futbolçunun etirazına səbəb olub.
