ABŞ-nin energetika naziri Kris Rayt Çinin Venesueladan neft almasının ardından bu ölkəyə qarşı tətbiq edilən “neft blokadası”nın başa çatdığını bildirib, deyə “Bloomberg” yazır. O, həmçinin “qanuni əsaslarla Çinlə dürüst biznesin”, o cümlədən birgə müəssisələr formatında mümkün olduğunu istisna etməyib.
“Bloomberg”in müxbiri Çinin Xarici İşlər Nazirliyinin nümayəndəsi Lin Tsyazandan cənab Raytın ÇXR-in neft alması ilə bağlı bəyanatını şərh etməyi xahiş edib. Nazirlik rəsmisi bu barədə heç bir məlumatının olmadığını bildirib.
ABŞ 2019-cu ildə Venesuela neftinə məhdudiyyətlər tətbiq edib, dekabrda isə prezident Donald Tramp sanksiyaya məruz qalan xammalla yüklənmiş gəmilərin tam blokadasını elan edib. Yanvarda Vaşinqton Karakasın neft sektoruna nəzarət qurub və prezident Nikolas Maduronu saxlayıb. Həmin vaxt cənab Tramp Hyustona 50 milyon barelədək neft göndərmək planlarını açıqlamışdı.
Fevralın 10-da ABŞ Maliyyə Nazirliyi Venesuela şirkətlərinə lisenziya verib, lakin Rusiya, İran, KXDR və Kuba ilə əlaqəli şəxslərin və qurumların, eləcə də onların birbaşa və ya dolayı nəzarəti altında olan təşkilatların iştirakı ilə neft əməliyyatlarını qadağan edib.
