Fövqəladə hallar naziri Kəmaləddin Heydərova iki müavin təyin edilib.
News365.az "Qaynarinfo"ya istinadən xəbər verir ki, bunlardan biri Cəbrayıl Eldar oğlu Xanlarovdur. O, bir neçə gün əvvəl işdən azad edilən Orucəli Hacıyevi əvəz edib.
Cəbrayıl Xanlarov bu təyinatadək Tikintidə Təhlükəsizliyə Nəzarət Dövlət Agentliyinin rəisi idi.
Həmçinin, Yusif Nəbiyev nazir müavini təyin olunub. O, bu vəzifədə işdən çıxarılan Etibar Mirzəyevi əvəzləyib.
Qeyd edək ki, Yusif Nəbiyev Fövqəladə Hallar Nazirliyinin Baş yanğın təhlükəsizliyi eksperti idi.
Xatırladaq ki, iki gün əvvəl fövqəladə hallar nazirinin müavini general-leytenant Faiq Tağızadə, general-leytenant Etibar Mirzəyev və Orucəli Hacıyev tutduqları vəzifələrindən azad ediliblər.
Fotoda Yusif Nəbiyev
Fotoda Xanlar Cəbrayılov
