ain.az, Oxu.az portalına istinadən məlumat yayır.
"Warner Bros. Discovery" ötən həftə təkmilləşdirilmiş təklif təqdim edən "Paramount Global"la danışıqların bərpasını nəzərdən keçirir.
Oxu.Az xəbər verir ki, bu barədə "The New York Times" məlumat yayıb.
Şirkətin direktorlar şurası "Paramount"un təklifinin daha sərfəli razılaşmaya gətirib çıxara biləcəyini müzakirə edib. Fevralın 10-da təklifə əlavə edilən şərtə görə, əgər "Netflix" yayım xidməti ilə müqavilə həmin vaxta qədər bağlanmasa, "Warner Bros." səhmdarlarına 2027-ci ilin yanvarından etibarən hər rüb səhm başına 25 sent gözləmə haqqı ödəniləcək. Bundan başqa, "Paramount" mümkün uğursuzluq halında "Netflix"ə ödənilməli olan 2.8 milyard dollarlıq kompensasiyanı da öz üzərinə götürəcək.
Xatırladaq ki, "Warner Bros. Discovery" 2025-ci ilin yanvarında "Netflix"lə razılığa gəlmişdi. Razılaşmaya əsasən, yayım xidməti "Warner"in "Discovery Global" qarşısındakı borcunu 260 milyon dollar azaldacaq - bu şirkət CNN, TNT və "Food Network" daxil olmaqla kabel kanallarını yerləşdirəcək - həmçinin səhmləri 82.7 milyard dollara satın alacaq: "Warner Bros." səhmdarları 23.25 milyard dollar nağd pul və yayım xidmətinin 4.5 milyard dollarlıq adi səhmlərini alacaqlar.
Ən son xəbərləri və yenilikləri almaq üçün ain.az saytını izləyin.
