Livan hökuməti ölkənin cənubundakı silahlı Hizbullah qruplaşmasını tərksilah etməyi hədəfləyən hərbi planın ikinci mərhələsini həyata keçirməyə hazırlaşır.
Bakıvaxtı.az "LeMonde.fr"ə istinadən xəbər verir ki, bu barədə Livanın informasiya naziri Pol Morkos bildirib. O qeyd edib ki, bunun üçün ordunun mövcud imkanlardan, və yerdəki maneələrdən asılı olaraq, dörd ay müddətə ehtiyac var :
Ordu yanvar ayında İsrail sərhədi ilə Litani çayı arasındakı ərazini, təxminən 30 kilometr şimalda əhatə edən bu planın birinci mərhələsini tamamladığını elan etdi. İkinci mərhələ çayın şimalındakı ərazini əhatə edir.
Livan hökuməti 2024-cü ilin noyabr ayında İsrail ilə müharibədən zəifləmiş şəkildə ortaya çıxan güclü, İranpərəst Hizbullahı tərksilah edəcəyinə söz verib. Lakin islamçı hərəkat müharibənin ikinci mərhələsinin hədəf aldığı Litani çayının şimalındakı silahlarını təslim etməkdən imtina edir.
İsrail qoşunları, öz növbəsində, geri çəkilmələrini şərtləndirən atəşkəsə baxmayaraq, Livan ərazisindəki beş strateji nöqtəni işğal etməyə davam edir. İsrail Hizbullahı yenidən silahlanmaqda günahlandırır, Livan ordusunun irəliləyişini qeyri-kafi hesab edir və ölkənin cənubunu müntəzəm olaraq bombalayır .
Hizbullah lideri Naim Qasim bəyan edib ki, Livan hökumətinin tərksilah məsələsinə diqqət yetirməklə etdiyi iş böyük günahdır, çünki bu məsələ İsrail təcavüzünün məqsədlərinə xidmət edir".
Aydın Baxış
