Ukrayna Prezidenti Vladimir Zelenski Avropada zenit raketləri istehsalı müəssisəsinin yaradılmasının vacibliyini bildirib.
Herbiand.az xəbər verir ki, Ukrayna lideri bunu 17 fevral çərşənbə axşamı günü video müraciətində bildirib.
"Ukrayna artıq ABŞ ilə Avropada, xüsusən də "Patriot" üçün kifayət qədər raket istehsalının qurulmasının vacibliyini müzakirə edib. İstehsal lisenziyaları ilə bağlı vədlər var idi, lakin ABŞ hələ qərar verməyib, baxmayaraq ki, biz bunu həm Ukraynada, həm də regiondakı NATO tərəfdaşları - Rumıniya, Polşa və digərləri ilə birgə təşkil etməyi təklif etmişik".
Zelenski Avropa ölkələrinin özlərini lazımi istehsal həcmləri ilə təmin edə biləcəklərinə əminliyini ifadə edib, lakin mövcud genişlənmə tempi yetərli deyil.
"Bu cür qərarlar, bu cür istehsal müəssisələri, şübhəsiz ki, hamımızı, bütün Avropanı gücləndirəcək", - deyə Ukrayna prezidenti vurğulayıb.
Ukrayna prezidenti dəfələrlə Kiyevin Qərb tərəfdaşlarını Rusiyanın hücumları fonunda, xüsusən də "Patriot" hava hücumundan müdafiə sistemi üçün raketlərin çatdırılmasını sürətləndirməyə çağırıb. Münhen Təhlükəsizlik Konfransında Zelenski qışın soyuğunda Ukrayna şəhərlərini Rusiyanın enerji sektoruna hücumlarından qorumağın vacibliyini bir daha vurğulayıb.
