Bizimyol portalından verilən məlumata əsasən, ain.az bildirir.
Çində Bahar Festivalı münasibətilə keçirilən və ölkənin ən çox izlənilən televiziya yayımı sayılan "China Media Group" qalasında humanoid robotlar əsas səhnəyə çıxıb. Robotlar salto vurub, kung-fu elementləri nümayiş etdirib və insan ifaçılarla sinxron rəqs ediblər. Maraqlıdır ki, çıxış zamanı onların heç biri yıxılmayıb.
Bizimyol.info xəbər verir ki, mütəxəssislər bu nümayişi həm texnoloji irəliləyiş, həm də simvolik mesaj kimi qiymətləndirirlər. Vaşinqtondakı "Brookings Institution" analitik mərkəzinin eksperti Kayl Çanın fikrincə, Pekin bu cür şoularla ölkənin texnoloji gücünü dünyaya nümayiş etdirməyə çalışır. Onun sözlərinə görə, humanoid robotlar geniş auditoriya üçün süni intellektdən daha vizual və anlaşılandır.
Bununla belə, bəzi ekspertlər bildirirlər ki, səhnə performansı hələ sənaye miqyasında etibarlı tətbiq demək deyil. Robotlar konkret proqram üzrə dəfələrlə məşq etdirilib və real, dəyişkən mühitdə eyni nəticəni göstərmələri hələ sual altındadır.
Rəsmi məlumatlara əsasən, 2024-cü ilin sonuna qədər Çində 450 mindən çox ağıllı robototexnika şirkəti fəaliyyət göstərib. “Made in China 2025” və "14th Five-Year Plan" kimi dövlət proqramları robototexnika və süni intellekti ölkənin əsas prioritetlərinə çevirib.
Analitiklər hesab edirlər ki, humanoid robotların kütləvi istehsalı sahəsində Çin artıq qlobal rəqabətdə ön sıralara çıxmağa çalışır.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
