“Yuventus” tarixində ilk dəfə olaraq Çempionlar Liqası adı altında keçirilən yarışda 5 qol buraxıb.
QOL.az xəbər verir ki, 2025/2026 mövsümünün pley-off mərhələsinin ilk qarşılaşmasında Turin klubu İstanbulda “Qalatasaray”a 2:5 hesabı ilə məğlub olub.
“Opta Sports”un məlumatına görə, “Yuventus” sonuncu dəfə avrokuboklarda 5 və ya daha çox qolu 1958-ci ildə “Vinera” komandasına qarşı oyunda (0:7) buraxıb. Bu, o vaxt Avropa Çempionlar Kuboku adlanan yarışda baş vermişdi.
