Tacikistan Respublikası Silahlı Qüvvələrinin yaradılmasının 33-cü ildönümü qeyd olunur. Bu münasibətə Tacikistan Müdafiə Nazirliyinin təşəbbüsü və İsmoili Somoni Rayon İcra Hakimiyyəti ilə əməkdaşlıq çərçivəsində İram Parkının ərazisində mərasim keçirilib.
Hafta.az yazır ki, tədbir zamanı Tacikistanın müdafiə naziri Emoməli Sobirzoda deyib ki, Silahlı Qüvvələrin yaradılması müstəqillik dövrünün mühüm nailiyyətlərindən biri olub, bu gün də dövlətin və millətin etibarlı qalxanı olaraq sülhün və sabitliyin, təhlükəsizliyin və dövlətin ərazi bütövlüyünün təmin edilməsində əsas rol oynayır.
Vurğulanıb ki, müasir dövlət sistemində Milli Ordu dövlət sabitliyinin, təhlükəsizliyin təmin edilməsinin və milli maraqların qorunmasının əsas sütunlarından biridir.
Dünyanın siyasi tarixi dəfələrlə sübut edib ki, mütəşəkkil, vahid və peşəkar hərbi qüvvə olmadan dövlət müstəqilliyi davamlı ola bilməz.
Müstəqilliyinin ilk illərində son dərəcə çətin vəziyyətdə qalan Tacikistan üçün Silahlı Qüvvələrin yaradılması həyati və taleyüklü bir addım idi. Bu gün Tacikistan Silahlı Qüvvələri tacik cəmiyyətində sabit mövqe tutan güclü, etibarlı bir qurum kimi təmsil olunur
