Apple şirkəti Mac Mini masaüstü kompüterinin istehsalının bir hissəsini Asiyadan ABŞ-yə köçürməyə hazırlaşır.
Marja xəbər verir ki, The Wall Street Journal qəzetinin bazar ertəsi yaydığı məlumata görə, yeni istehsal bu ilin sonlarına doğru Hyuston şəhərinin şimalında yerləşən Foxconn zavodunda başlayacaq.
Bu plan iPhone istehsalçısının ABŞ-dəki yeni investisiyası üzrə həyata keçirilir. Şirkət ötən ilin avqust ayında növbəti dörd il ərzində ABŞ-yə 600 milyard dollar investisiya yatırmağı öhdəsinə götürmüşdür.
May ayında ABŞ Prezidenti Donald Trump xaricdə istehsal olunan məhsullara 25 faiz həcmində gömrük rüsumu tətbiq ediləcəyi ilə bağlı xəbərdarlıq etmişdir.
Apple-ın əməliyyatlar üzrə rəhbəri Sabih Khan bildirib ki, Mac Mini istehsalı Asiyada da davam edəcək. Onun sözlərinə görə, Hyustondakı müəssisə yerli tələbatın qarşılanmasına xidmət edəcək.
